HIL: Punjab Warriors teloki semifinal asayatsü jenjang nguogo

Chandigarh, February 15 (Agencies): Punjab Warriors teloki goal 4-4 ngua Kalinga Lancers telok den draw jenjang ngua tanü, Hombar nü asayaba sülen par teloki tang tasayadak Hockey India League (HIL) asayamong semifinal asayatsü jenjang nguogo.
Tanü asaya draw nung tembangbaji 4 buba HIL asayamong nung tan mezüngsüa asaya draw nung tembanger lir.
Tanü draw jenjang anguba sülen Punjab teloki ajak agi points 29 tashi ngua defending champions, Ranchi Rays telok sülen anidaka semifinal asayatsü jenjangji angu.
Malak Singh aser Quirjin Caspers nati minute 14 aser 29 buba na nung field goal kaka agütsüba ajanga par Kalinga teloki goal 4-0 agi temaba jenjang ngua asaya.
Ajisüaka, Punjab asayar, Matt Gohdes aser Jake Whetton nati asaya tenzüker minute 35 aser 59 buba na nung field goal kaka agütsüba yong par telok anaprongla kasa jenjang aküm.
Tan asayamong nung field goal shia goal 2 ta azüngtsü renema lir.