HIL senpet sen crore 5.70 küma ajungkettsür

New Delhi, January 13 (Agencies): 2016 Hockey India League (HIL) asayamong senpet sen crore 5.70 küma ajungkettsüba osang ka Hockey India (HI)-i tanü Bodbar nü metetdaktsüogo.
HIL asayamong senpet sen timba küma ajungkettsüba sülen, takok angur teloki senpet sen crore 2.50 aser tanabuba jenjang angur teloki senpet sen crore 1.75 agizüktsü renemtsüogo.
Ano, tasembuba jenjang angur telok nema senpet sen lakh 75 agütsütsü asoshi renema lir.
Individual shilem nunga ‘Coal India Player of the Tournament’ sempet agizüker asayar nem senpet sen lakh 50 aser ‘Coal India Goal of the Match’ sempet agizüker nem senpet sen 50,000 agütsütsü renemba osang ka HI-isa metetdaktsüogo.
‘Man of the Match’ sempet agizüker nema senpet sen timba küma sen 50,000 kümtsüba den külemi, ‘Upcoming Player of the Tournament’ nem senpet sen lakh 20 aser goal timba agütsür asayar nema senpet sen lakh 20 agütsütsü renemogo.
Tan January ita 18 nü nungi taruba February it 21 nü tashi India kübok yimti 6 nung asayatsü ayongba 2016 HIL asayamong nung Jaypee Punjab Warriors, Delhi Waveriders, Kalinga Lancers, Uttar Pradesh Wizards, Dabang Mumbai aser defending champions, Ranchi Rays nunger densema telok 6-i shilem agitsü renema lir.