HIL: Warriors o Lancers na tanü final asayatsü

Ranchi, February 20 (Agencies): Jaypee Punjab Warriors teloki goal 3-1 agi Delhi Waveriders telok madak takok ngua tang tasayadak Hockey India League (HIL) asayamong final nung shilem agitsü jenjang tanü, Honibar nü nguogo.
Tanü asaya tenzüker minute 6 buba nung Rupinder Pal Singh-i penalty corner takok ngua zükokja goal 1 agütsüba sülen par Delhi teloki temaba jenjang angu.
Ajisüaka, Armaan Qureshi-i asaya tenzüker minute 19 buba nung field goal ka agütsüba ajanga par Warriors telok goal 2-1 agi Delhi telok den temaba jenjang aküm.
Tesülen, Simon Orchard-i minute 51 buba nung goal 1 agütsüba yong par Warriors teloki goal 3-1 agi semifinal asayaji kokadok.
Warriors teloki Kalinga Lancers telok den asüng, Deobar nü final asayatsü.
Lancers telokia goal 4-2 agi defending champions, Ranchi Rays telok madak tanabuba semifinal asaya koka final asayatsü jenjang ngua liasü.