HIL: Wizards teloki goal 4-1 agi Punjab Warriors akok

Lucknow, February 10 (Agencies): Uttar Pradesh Wizards teloki goal 4-1 agi Jaypee Punjab Warriors telok madak takok ngua tang tasayadak Hockey India League (HIL) asayamong nung shilem agiogo.
Wizards teloki tan takok anguba sülen ajak agi points 23 ajangzüka HIL asayamong nung shilem agir telok tarensen nung 3 buba jenjang nguogo.
Warriors asayar, Mark Gleghorne-i asaya tenzüker minute 10 buba nung goal 1 agüja par telok temaba jenjang nung ajungkettsü.
Ajisüaka, asaya tenzüker minute 19 buba nung Argentina nunger Gonazlo Peillat-i par Wizards telok asoshi goal 1 agüja par telok anaprongla kasa jenjang kümdaktsü.
Asaya tasembuba quarter tenzüker minute 2 shi nung Peillat-isa penalty corner kanga junga züka goal 1 agütsüba ajanga par Wizards teloki goal 2-1 ngua temaba jenjang angu.
Tesülen, asaya tenzüker minute 43 buba nung Agustin Mazilli-i field goal 1 agütsüba yong par Wizards teloki goal 4-1 agi asayaji kokadok.
Wizards teloki par taruba asaya Ranchi nung tan February ita 20 nü asayatsü.