HIL:Delhi-i 6-1 agi Punjab Warriors madak takok angu; 3buba jenjang tongtet

Chandigarh, February 17 (Agencies) : Hokolbarnü Chandigarh Hockey Stadium nung Coal India Hockey India League (HIL) nung Delhi Waveriders team-i 6-1 agi Jaypee Punjab Warriors team madak takok anguba ajanga parnok tasembuba jenjang tongtetogo.
Asaya tenzüker minute 4buba nung Justin Reid-Ross-i penalty corner ka agizüka goal yok aser Rupinder Pal Singh-i minute 17buba nung goal ka yokba ajanga asaya tesadang tashi nung 2-1 agi parnok tajungba liasü.
Asaya tesadang sülenbo Delhi-i Punjab nem kecha anünga meyutsü. Parnok telok nungi Minute 38buba nung Mandeep Singh-i field goal ka yok aser iba sülen ano Iain Lewers-i minute 44buba nung penalty goal ka yokba ajanga Delhi team 6-1 aküm. Parnok tan asayamung nung tesüsa asayaba asaya pezü nung tang agi asemben buba takok angur.
Iba takok anguba ajanga Delhi team-i point 21 nguteta tasembuba jenjang tongogo. Tan asayamung nung parnoki asaya ajak agi 8 ben asaya lir.
Punjab team ya tang point 17 ngur tatembangba tarensen nung lir.
Temaba jenjang nung Dabang Mumbai lir, parnoki points 33 ngua lir aser parnok sülen Kalinga Lancers temi points 23 nguteta tanabuba jenjang nung lir.