Hillary den yariteper kati Northeast-Washington tesentaktep yanglunür

Guwahati, November 27 (Agencies) : India nung 2016 Hillary Clinton campaign atema senotsü bendener tongti nisung, NRI Ajay Jain Bhutoria-i ashiba agi, pai Assam, northeast aser Washington DC tsüngda tesentaktep tajungba akümtsü atema mapa inyaktsü, ta metetdaktsü.
Assam, northeast aser Washington DC tsüngda clean energy, education, business, entrepreneurship aser human resources amala nung tesentaktep lia mapa inyaktsü, ta pai ashi.
National Leadership Council Hillary for America atema core committee züngsem Bhutoria ya Guwahati nung soa intetba nisung lir. Pa ya Democratic National Finance Committee nunga züngsem lir aser pai Asian Americans atema Hillary indang policy tem yangluba nung shilem tulu agi.
Honibarnü pai Guwahati nung azüngdak Young Men’s Christian Association (YMCA) semdang aser idangji osangbener senden nung jembidang, northeast nung human aser natural resources dak sendakba wadang tulu lir, ta ashi.
“Asenoki maparen tasen kar nung tetsüng ajemoka inyaktsü aser ibaji ajanga northeast-i tajangzük jenti angutsü” ta Bhutoria-isa metetdaktsü.