Himachal, Mandi nung bus lendong ajurua nisung 14 asü

Shimla, May 08 (Agencies): Honibarnü Himachal Pradesh, Mandi nung bus lendong ka ataloka nisung 14 yangjisa atanga asü aser nisung 40 dak tema yiruogo.
Himachal Pradesh Chief Minister, Virbhadra Singh-i asür kibongtem nem senotsü teyari lakh 5 agütsütsü nangzükogo.
Honibar aonung Himachal Road Transport Corporation indang bus ji Mandi distict kübok Jogindernagar anasa lungren nung tsükoka liasü.
Bus nungji nisung 55 mener Rekong Peo-i aoba mapang iba lendong atalok.
Tasümang 8 atsütetogo aser yirua alir rongnung nisung karbo kanga mejungi yirua lir, ta police-i ashi.
Teyaritep maparen inyakdar aser yirua alirtemji PGI Chandigarh, Government Medical College, Tanda (Kangra) aser tanga hospital temi anir oa yaridar.