Himachal Pradesh bus lendong nung nisung 73 yiru

Shimla, August 29 (Agencies): Hombarnü Himachal Pradesh, Mandi district nung nija bus ka tsükokba lendong nung yangji mena alir nisung 73 prongla yiruogo, ta police osang ka ajanga ashi.
Bus nung alir timbaka school tanurtem aser sorkar mapa inyakertem liasü.
Menden 42 aliba bus ji Jawalapur nungi Kullu jilai aoba mapang state yimtiba, Shimla  nungi kilometer 200 pilar aliba Jala anasa tsükok.
“Passenger timbaka Jawalapur, Nagwain aser anasa aliba tesemtem nungi liasü, aser parnok rongnung nisung 59 bo Kullu nung aliba Regional Hospital nung anioka yaridar,” ta Naib Tehsildar, Hira Chand-i osangbenertem dang ashi.
Tenük kuli alirtemi ashiba agi, bus nungji nisung tali anioka liasü, aser kola ka meyipdang bus anisangi gariji mazüoktet.
Iba tesem nung bus agi anüngba den sorkar indang bus ishika dang senzüba ajanga nisung tali mena gari lendong kanga bulur, ta osang angazüker.