Himachal Predesh election atema Congress-i candidate 59 sangdong

New Delhi, October 19 (Agencies): Congress-i Himachal Pradesh Assembly election atema candidate 59 tenüng sangdongogo, aser parnok rongnung state Chief Minister, Virbhadra Singh-i Arki constituency nungi tokteptsü.
State nung November 9, 2019 nü election agitsü.
Congress Tir, Sonia Gandhi leniba nung Congress central election committee senden ka mena candidate tem shima liasü. Tanüngba menden 9 atema candidate tem taruba anogotem nung sangdongtsü.
State Congress tongti, Sukhvinder Singh Sukkhu-i Nadaun Assembly menden nungi tokteptsü; tamalen pai iba menden nung tamakok ngua liasü.
Ano chief minister Singh’er jabaso, Vikramaditya bo tanü sangdongba tenüng rongnung densema mali, ajisüaka anogo ana tejaklen Singh-i, par jabaso Vikramaditya-i Shimla (Rural) menden nungi tokteptsü ta metetdakja liasü.
Maneni Rajya Sabha MP, Viplove Thakur-i Dehra Assembly menden nungi tokteptsü, lai 2012 küm election nung iba menden nung tamakok ngua liasü.
Ano party nung lenir taintem- AICC secretary Asha Kumari, Kaul Singh Thakur, G S Bali, Mukesh Agnihotri aser Gangu Ram Musafir nungeri Dalhousie, Darang, Nagrota, Haroli aser Pachchad menden tem nungi tokteptsü.
Congress-i tanüngba Assembly constituency 9 atema tenüng mesangdong, kechiyong item menden nungi toktepner aika lir, ta osang angazüker.