July 20, 2015: Season piyong shilem tajung aika agiyonga arur celebrity apuani, Himmanshoo Malhotra aser Amruta Khanvilkar nati dance reality show “Nach Baliye 7” takok nguogo ta Deobar nü sangdongogo.
Iba trophy takok anguba den külemi apuani na nem sen lakh 30 den Honda Jazz car ka agütsüogo. Tena nemsa sponsor temi sen lakh 5 cheque agütsüogo.
Tanabuba jenjang nung takok angurji Rashami Desai aser Nandish Sandhu na liasü aser tasembuba jenjangji Karishma Tanna aser Upen Patel nati nguogo.
“Asen linük nung takok angubaji kangasa ulura aser tepela kanga angur. Künati takok ngunüa liasü aser tang iba takokji ngur asünungji küna kanga pelar. Iba ya nüburtem sarasadem langzüba ama lir aser tanü ya Eid ama bilemer,” ta takok anguba sülen Himmanshoo-i osangbenertem dang ashi.
Star Plus show “Nach Baliye 7” nung actress Preity Zinta, kaketzülur Chetan Bhagat aser tsüngsanger Marzi Pestonji nunger tetendangertem liasü aser iba show finale nung actor Ajay Devgn aser Shriya Saran natia shilem agiogo.
Iba show nung co-host anaji Rithvik Dhanjani aser Karan Patel na liasü aser Chetan-i tang mezüngsüa sabang nung tsüngsangogo.
“Nach Baliye” tan season tembangba sülen July 26 nungi tenzüka tsüngsangba show tasen “Dance +” TV channel nung yoktsü.
Himmanshoo aser Amruta nati ‘Nach Baliye 7’ takok angu added by asungba on
View all posts by asungba →
You must be logged in to post a comment Login