Hindu nungeri pei jalatem mita alitsüla: Sadhvi Niranjan

Alappuzha, August 30 (Agencies): Tanü Minister of state for food processing, Sadhvi Niranjan Jyoti-i Hindu nüburtem dang pei jalatem mita kümzüka ayutsüla, ta ashi.

Alappuzha nung Sree Narayana Dharma Paripalana (SNDP)-i ayongzükba Sree Narayana Guru Jayanthi benjungmung nung jembidang minister-i, iba asoshi tetsür aser tebur tsüraburtem napronglai kanga kümdanga mita alitsüla, ta ashi.

“Mamangertem yimya tamajung nungi Hindu nungertemi pei jalatem kümzüka ayutsüla,” ta lai ashi.

Tawa tamangba yimsü census ajanga sayubaji tejashitsüka lir aser tang mapang nung Hindu nunger longjemtsüla, ta lai ashi.

“Asenok ka küma longjemtsüla,” ta lai ashi.

BJP-i aniba NDA sorkar yimsüsüba dak sentakba nung lai, nüburtem tamangba yimsü balala mesüra kin kecha mebendangi lai yarir, ta ashi.

“Tamangba yimsü nung ajemdaker iba linük nüburtem tsüngda telemsa adokdaktsübaji British nunger yimsüsüba ajanga liasü,” ta laisa ashi.