Hindu nungertemi nashi metepsetdaktsünübaji angatettsüla

Aizawl, Jan 6 : Tanga yimsü amangertemia Hindu nungertemi nashi metepsetdaktsünüba kuliji angatettsüla ta Mizoram nung tang shimtetba BJP tir Prof. John V Hlunai metetdaktsü.
” Hindu nungertemi nashi külemer, anungji state kar nung Hindu nungertemi nashi metepsettsü ozüng latetbaji angateta agizüktsüla,” ta Prof John V Hluna-i metetdaktsü.
Paisa ashiba agi, BJP teloki kodanga Khristan yimsü mesüra Khristan purtem anema meinyak, itemji nisung kari parnok ajangzüktsü inyakba dang lir. BJP teloki state nung arogotem yaritsü mulunga lir.
Tamalenbo BJP teloki company aser business inyakertem dang nungi teyari meshia liasü saka tang nungibo itemji memeshitsü ta paisa metetdaktsü.

You must be logged in to post a comment Login