Hindu nütsüng tajemba akümer, ta Rijiju-i jembiba Congress-i aitsür

New Delhi, February 14 (Agencies): Hindu yimsü amangertem tajemba akümer, ta Minister of State for Home, Kiren Rijiju-i ashiba asoshi BJP aser RSS teloki pa tenüng asanger, saka Congress teloki Election Commission dang tapet temerenshi agütsütsü asoshi akhanger.
Arunachal Pradesh nung Hindu yimsü amangertem tajemba kümdaki, ta Rijiju-i pa indang Twitter nung metetdaktsü.
Yimsü amanger telok balaka aser nija anema masü, tanga yimsü amangertem Hindu-i memeyiper saka Hindu nüburtem tanga yimsü dangi meyiper, ta BJP lenir, Shaina NC-ia ashi.
Rijiju-i Twitter nung zülua aliba ya ajanga ‘moral code of conduct’ nung aibelener, anungji pa dak alang temerenshi agütsütsüla, ta Congress teloki Election Commission dang tanü takhangba agütsü.
“Uttar Pradesh nung election agitsü aliba mapang ka nung Rijiju-i iba osang sangoktsü. Iba ajanga Hindu aser Muslim tsüngda telemsa adoktaktsütsü aser BPJ telok vote tali angutsü. Election Commission-i iba ken-o reprangtsüla,” ta Congress lenir, Digvijaya Singh-ia ashi.
“Hindu nungeri nüburtem par yimsü dangi anir maruba ajanga Hindu yimsü amangertem tajemba kümdaki. India nung tilatiba teloktem timba akümer,” ta Kiren Rijiju-i shia liasü.