Hindu yimsü kanga akhanga amangertemi Khristanpur nem timtem agütsü

December 6, 2017 (Agencies): Chhattisgarh state nung aliba Durg district kübok Bhilal Charoda nung arogopur senden atema poster aser banner tem inoka aliba November 16 nung Bajrang Dal aser Dharma Jagran Manch temi raksatsü.
New Life AG Church, Indian Pentecostal Church aser Gap Foundation ajanga asemnü asoshi Good News Festival sentong November 16 nungi 18 tashi Railway Ground nung ayongzük, ta Evangelical Fellowship India ajanga ashi. Iba sentong agitsü asoshi ketdangsertem dang nungi temelaba agir liasü, saka Hindu yimsü kanga akhanga amangba teloki iba sentong anema nokdak.
Iba senden asoshi poster aser banner tem mesangba ajanga arogopur senden amenba mapang temulung meyiper alitsü südi, ta Hindutva züngsemtemi bilem.
Iba telok nung züngsemtemi arogo indang poster tem ya shisatsü aser rongdoktsü. Iba ama mapa inyakba ajanga densa tamajungba küma ao aser police temi iba senden ya tekaraba nung tembangtsü asoshi tetuyuba agütsü, ta kasa osang ajanga ashi.