Hindustan Scouts & Guides pur Komalpad Training Camp agi

Dimapur, December 18 (TYO) : December 6-10, 2016 tashi Hindustan Scouts & Guides indang Komalpad Training Camp takok ngua agiogo.
Iba camp ya Carmel Higher Secondary School, 4th Mile, Dimapur nung ayongzüka amung aser scouts o guides 181 aden, ta Hindustan Scouts & Guides, Nagaland unit sangdong ka nung metetdaktsü.
Iba camp nungsa Development Association of Nagaland (DAN) Director, Fr Charles-i special session ka agia liasü, ta sangdong nung shia lir.
Camp tembangba anogo nung Swaachh Bharat indang awareness sentong ka agi aser idangji school aser Chekiye temeket nung merükmeju mapa inyak.
Carmel Hr. Sec. School nung training camp agitsü atema temelaba agütsüba atema Rev Fr. James, Principal dang kanga pelar ta Hindustan Scouts & Guides-isa metetdaktsü.