Hindutva onüktem asoshi BJP senden ayongzüktsüla: Swamy

New Delhi, July 12 (Agencies): BJP lenir Subramanian Swamy-i Ato kilonser Narendra Modi dang, 2014 election nung BJP manifesto nung nangzüka aliba Hindutva onüktem mapa küma inyaktsü asoshi BJP national executive senden ayongtsü atema party Tir Amit Shah nem metetdakjang, ta shiogo.
Shidi ka ajanga Swamy-i Modi dang, Sangh Parivar aser asen party nung inyaker ajaki aginüa aliba tongtipang onüktem asoshi pai Shah dangi shidi zülua liasü saka ita pezü tashi iba shidiji telangzüba pai magütsü, ta shia lir.
Swamy-i, temzüng mera balala ajanga ibaji takoktsü ka süra party-i Ram tekülem kiji yanglutsü ta nangzüka lir, ta ashi.
Kasa shidi nung taoba Union Minister Swamy-i, Information Technology (IT) Act, National Judicial Appointments Commission Act aser criminal defamation ama onüktem nung mangatettep aliba arla kar intoktsü nung sorkar ketdangsertem tangatetba junga mali, ta zülua lir.