HIPFEST 2017 tetoktepba kaogo

Dimapur, December 07 (TYO): HIPFEST 2017 general category nung mezüngbuba jenjang Kolkata nungi Parvej Akhtar-i ajangtet, shibai HIPFEST 2014 dena kokogo. Manipur nungi Priyojit Akoijam aser Metsungnakba Longchari tanabuba aser tasembuba jenjang ajangtet. Consolation prizes angurtem rongnung Mokokchung nungi Maong Longkumer aser Kohima nungi Dr. Longri Kichu na liasü.
Tanurtem category (Arishi küm 13 tekübok) G. Rio School, Kohima nung class 6 nung azünger Kehunülü Theyo-i akok aser tanabuba aser tasembuba jenjangji Kohima nung class 9 nung azünger Abi Mor, aser G. Rio School, Kohima nung azünger Sinlo Seb-i ngutet. St. Anthony School, Manipur nung class 4 nung azünger Rangala Songduimei, Dimapur nung class 4 nung azünger Thungja na nem consolation prizes agütsü.
Nisung ajak senteper nisung 45-i Photography Contest nung shilem agi. Iba tetoktepba ya ‘Colours of Nagaland,’ omen nung ajemdaker aka. Parnok rongnungi parnok 9 tanur category (Arishi küm 13 tskübok) nung toktep. HIPFEST exhibition ya benjungmung peyong anepdang 10:30 nungi nikongtsütsü 4:00 ako tashi lapoker. Iba sentong coordinator, M. Ababe Ezung-i ashiba agi, sempet agütsüba sentongji December 10 nü main performing arena nung akatsü.