HIRC 2015 nung tokteptsü kentener telok tem shimogo

Kohima, October 31 (TYO): Taküm Hornbill International Rock Contest (HIRC) 2015 nung tokteptsü kentener telok shimteta alirtem tenüng tanü, Honibar nü metetdaktsüogo.
Iba tetoktepba nung adentsü asoshi Nagaland nungi kentener telok 5, bendang linük nungi 1 aser linük nung tanga statetem nungi 19 densema ajak agi telok 25 shimteta lir. Item rongnung telok 7-bo North East nungi lir aser parnok December ita mezüng hopta nung HIRC nung shilem agitsü.
Nagaland nungi telok 5 tashi October 17 nü ‘State live audition’ mapang shimtet aser Grey Shack (Bangalore), October (New Delhi) den Daira (Mumbai) teloktem  ‘Hornbill on Tour’ tetoktepba nung takok anguba sülen shimok. Iba den külemi, tanüngba teloktemji national aser international telok shimyim nung ajemdaker shimogo.
“HIRC 2015 nung adentsü asoshi telok 100 shi tendangba sülen telok 25 shimtet,” ta Artiste Representative, HIRC 2015, Khriesazo Liezietsu-i metetdaktsü.
Iba tetoktepba ya December 2 nü nungi tenzüka Indira Gandhi Stadium, Hockey Ground, Kohima nung agitsü aser December 6 nü tembangtsü sentong lir.
Mezüng aonung nüburtemi ABBA teloki shilem agiba reprangtsü maongka angutsü.
Hornbill Music Fest 2015 rangben December 7 nü Helloween-i shilem agia tembangtsü sentong lir.
Tetoktepba nung takok angurtem nem senpet sen lakh 10 agütsütsü. Tanabuba aser tasembuba jenjang  angurtem nema senpet sen lakh 5 aser lakh 2.5 agütsütsü.
Iba sentong ya Music Task Force (MTF) o Nagaland sorkar nati Pepsi MTV Indies aser Northeast Today den lokteper ayonga lir aser Sky Entertainment o Nagaland Outdoors’ Club (NOC) nati acha ayangtsü.
Best vocalist, Best guitarist, Best keyboardist, Best drummer aser Best bassist tem nema senpet masü saka sempet tajung agütsütsü renema lir.
A&R HIRC 2015 den Khriesazo Liezietsu @ +919615170264 ajanga tongteprateptettsü aser hircnagaland@gmail.com/ www.facebook.com/hmfirc ajanga osang tejangja agitsütsü.
Helloween aser ABBA kenten sentong ticket  www.ticketgenie.in ajanga alitettsü.

HIRC 2015 atema shimba kentener telok tarsen:
1.    Big Jumanji &     –                  Melbourne,
The Coathangers         Australia
2.    Run Pussy Run                                      –                  Pune
3.    Helium Heart                                        –                  Siliguri
4.    Feudal Accent                                       –                  Darjeeling
5.     Shred XXX                                               –                  Kolkata
6.      The Buddha Therapy                          –                  Kolkata
7.       Ron & Me                                                –                  Kolkata
8.    Foot Wings                                             –                  New Delhi
9.    Estorica                                                    –                  Kolkata
10.    Frost                                                          –                  Kolkata
11.       Grey Shack                                             –                  Bangalore
12.       October                                                   –                  New Delhi
13.       Daira                                                          –                  Mumbai
14.       Reverse Tragedy    –                  Mizoram
15.       Fame The Band                                                     –                  Meghalaya
16.       Retro Sonic                                             –                  Shillong
17.       The Lynx                                                  –                  Meghalaya
18.       Ambush                                                   –                  Karbi Anglong
19.       2 Square                                                  –                  Assam
20.       Crystal And The Witches     –                  Sikkim
21.       The Gluttones                                       –                  Nagaland
22.       Tune Up Channel      –                  Nagaland
23.       Monkey Fingers    –                  Nagaland
24.       Sunep Ensemble Band                       –                  Nagaland
25.       Rune Legacy                                           –                  Nagaland