HIV & AIDS ya lokti khuret ka ama agizüktsüla : Kesonyu Yhome

Dimapur, September 29 (TYO) : Küm 10 tejaklen HIV & AIDS ya health khuret ka ama dang bilem saka tanübo asenoki iba ya lokti khuret ka ama agizütsüla. Medical department kijai dang HIV & AIDS khuret mokoktettsü anungji HIV & AIDS atema inyakertem, sorkar department tem aser lokti ajak longjemer HIV & AIDS anema raratsüla, ta Dimapur Deputy Commissioner, KesonyuYhome (IAS)-i ayongzük.
September 29, 2015 nü Dimapur nung DAPCU Led Single Window Model on Social Protection workshop agidang Dimapur DC, Yhome-i iba olen metetdaktsü.
Iba sentong ya Hotel Lake Shilloi, Dimapur nung agi aser NACO (National AIDS Control Organisation), New Delhi, DAPCU National Resource team, NACO-NERO (North East Regional Office) aser Family Health India (FHI) nungi ketdangsertem arua aden.
National AIDS Control Programme Phase IV kübok tongtipang teinyaktsütemji social entitlement aser HIV sensitive social protection lir aser State AIDS Control Societies-i ‘DAPCU(District AIDS Prevention and Control Unit) mapa inyaker.
PLHIV (People Living With HIV), MARPs (Most at Risk Population) aser CABA (Children Affected by AIDS) nungertem sorkar welfare scheme balala nungi tajangzük ngudaktsütsü atema iba mapa inyaker.
Ajisüka, nübo peria maliba ajanga PLHIV, MARPs aser CABA nungertem asoshi social protection schemes takok ngua meinyakteter, ta NSACS-i sangdong ka nung ashi.
Tanü workshop nung Arunachal, Assam, Mizoram aser Nagaland nungi State AIDS Control Societies & DAPCUs nungertem aden. Sentong nungsa Dr. M. A. Wati, Chief Medical Officer, Dimapur, Dr. Antoly Swu, Deputy Chief Medical Officer/District AIDS Control Officer, Dimapur aser Nagaland State AIDS Control ketdangsertem aden.