‘HIV/AIDS free Nagaland’ aser career counselling sentong agi

Dimapur, Rongchii 15 (Agencies): HQ IGAR (North) kübok Assam Rifles, Zunheboto Battalion puri Zunheboto Range Students Union (ZRSU) aser District Aids Prevention Control Unit (DAPCU), Zunheboto pur den sentepa Zunheboto, Town Hall nung Rongchii 14 nü ‘HIV/ AIDS Free Nagaland’ aser “Career Counselling” sentong ka ayongzüka kaogo.
Captain Abhishekh Sharma-i anir Assam Rifles Medical Team aser DAPCU, nungi Nodal Officer, Hokishe nungeri temesepba mozü achiba, yi ajemba aser HIV/ AIDS dak lendong aketba o iba tashidak nungi kümzüka alitsüba tetuyuba balala agütsü.
Career guidance nung tesayuba ka 5 Assam Rifles, Major L C Singh-i agütsü. Iba tesayuba ya lanurtem ajungmesotsüba aser parnok career balala atema maongka balala aliba lenmangtem sayutsü atema agi. ‘HIV/AIDS free environment’ aser ‘Join Indian Armed forces’ pamphlet tem iba sentong nung adener kaketshir parnok 1000 shi, tesayurtem aser sentepa aliba lokti nem lemtsü.