HMF nung Tali Angh-i kententsü

Kohima, November 25 (TYO): Ken mejemer aser kentener, Tali Angh-i December 1, 2019 nü Agri Expo Dimapur nung taruba Hornbill Music Festival nung shilem agia ken atentsü, ta ketdangsertem osang ka ajanga metetdaktsü.
Task Force for Music & Arts (TaFMA)-i, Tali Angh-i “Crossroads” sentong nung shilem agitsü aser iba ya Livenow Events-i ketdangsütsü, ta metetdaktsü.
Tali Angh ya Naga nunger nüngtugu musician ka lir aser pai linük nung dang masü saka bendanglena kenten sentong aika nung shilem agiogo.
Tang pa ya Grail guitar, Musicshack International nung Brand ambassador lir. Tali Angh ya Delhi nung amenoka aliba NGO LIVE JAM nunga densema lir. Live Jam ya lanur organisation ka lir aser parnoki schools aser colleges nung lanurtem dak rangloker inyakba den taküm, teimla, yimjung aser tarutsü putu atema music aser media ajungkettsür.