Hockey India League Auction: Fuerste-i sen timba aazüker

New Delhi, September 17 (Agencies): Tanü Brehostibar nü Delhi yimtiba nung ayonga agiba Hockey India League (HIL) asayar auction sentong nung Germany nunger hockey asayar mongin, Moritz Fuerste-i sen timba aazükogo.
Taoba mapang Olympic champion akümtsü jenjang 2 ben tashi angusang, Fuerste nübo alizüktsü asoshi sen jenjang tajembaji dollar sen 30,000 renemtsü saka Kalinga Lancers teloki dollar sen 105,000 agi Fuerste nübo alizükba osang jangjaogo.
Dabang Mumbai telokia dollar sen 96,000 agi Germany nunger Florian Fuchs nübo alizüka liasü.
Jaypee Punjab Warriors teloki dollar sen 58,000 agi India captain, Sardar Singh nübo alizükba osanga jangjaogo.
Külem sensopur, Vikramjit Singh nüboa dollar sen 4,500 agi Ranchi Rays teloki alizüka liasü.