Hockey: India teloki Malaysia akok

Melbourne, November 24 (Agencies): Nikkin Thimmaiah-i goal 2 tashi agütsüba densema, par India teloki goal 4-2 agi Malaysia telok madak takok ngua, 4 Nations Invitational hockey asayamong nung tanü, Brehostibar nü shilem agiogo.
Nikkin-i minute 24 buba nung goal 1 agüja, par India telok temaba jenjang nung ajungkettsü saka 3 buba quarter tenzüker minute 9 buba nung Malaysia nunger Faizal Saari-i penalty corner goal takok ngua agüja, par telok anaprongla kasa jenjang kümdaktsü.
Rupinder Pal Singh-ia goal 1 agüja, par India telok maneni temaba jenjang nung ajungkettsü saka Malaysia nunger Sharhril Saabah-i 2 buba goal-jia meyipja, par telok anaprongla maneni kasa jenjang kümdaktsü.
Tesülen, Nikkin-i minute 55 buba aser Akashdeep Singh-i minute 56 buba nung goal kaka agüja, par India telok nem takok ngudaktsü.
India teloki par taruba asaya New Zealand den tan Honibar nü asayatsü lemzüka lir.