Hockey: India tsürtemi goal 5-2 agi Canada kokogo

Manheim, July 23 (Agencies): 2016 Rio Olympics atema terenemshiba agia, tan America semdanga asayaba hockey asaya tanabuba shilem nung India’er tetsür hockey asayartemi goal 5-2 agi Canada tsürtem madak takok ngua asayaogo.
Tan takok anguba sülen India tsürtemi Canada den asayatsü ayongba asaya 4 densemba Test series nung points 1-0 agi temaba jenjang angur lir.
Yashi asaya tenzüker minute 9 buba nung Vandana-i goal 1 agüja par India temaba jenjang nung ajungkettsü.
Stephanie Norlander PC-ia asaya tenzüker minute 17 buba nung goal 1 agütsüba yong par telok anaprongla kasa jenjang aküm.
Yamaji asayar külen asaya tenzüker minute 38 buba nung Deepika-i par telok asoshi goal ka agüja India goal 2-1 agi temaba jenjang nung ajungkettsü.
Ajisüaka, Brienne Stairs-i minute 42 buba nung goal meyipja par telok ana maneni kasa jenjang kümdaktsü.
Tatembuba quarter asaya nung, asaya tenzüker minute 49 buba nung Deepika-isa goal 1 agüja par telok temaba jenjang nung ajungkettsüba sülen Vanada-i maneni goal ka agüja par India telok goal 4-2 agi temaba jenjang ngudaktsü.
Tesülen, asaya tenzüker minute 58 buba nung Poonam-i 5 buba aser takokba goal agüja par telok nem takok ngudaktsü.