Hockey Junior World Cup: England quarterfinal tongogo

Lucknow, December 14 (Agencies): England teloki goal 6-0 agi Canada telok madak ajemshia takok ngua, tang tasayadak Hockey Junior World Cup asayamong quarterfinal asayatsü jenjang tanü, Bodbar nü ajangzükogo.
Tan takok anguba sülen England telok tan asayamong quarterfinal asayatsü jenjang ajangzüker telok 8 buba aser tatembangbuba akümba den, temaba jenjang nung alir telok tarensen nung 2 buba jenjang abentsü temetena nguogo.
Tanü asaya nung Edward Horler-i hat-trick yanglua, par England telok Pool D nungi quarterfinal asayatsü jenjang ajangzüker telok kümdaktsü aser par teloki Pool C nung temaba jenjang angur, defending champions, Germany telok den quarterfinal asayatsü lemzükogo.
South Korea telok madak goal 5-0 agi takok angur, Australia telokia Pool A nungi quarterfinal asayatsü jenjang tanü ajangzük aser par teloki Pool B nungi 2 buba jenjang ajangzüker, Netherlands telok den quarterfinal asayatsü.
Pool D nungi takok angur, India telokia Pool C nungi 2 buba jenjang ajangzüker, Spain telok den quarterfinal asayatsü aser Belgium teloki Australia telok den quarterfinal asayatsü lemzüka lir.