Hockey World League Final nung India Pool B nung lir

New Delhi, September 07 (Agencies): Bhubaneswar nung December 1 nungi 10 tashi asayatsü aliba teburtem Hockey World League (HWL) Final nung iba asayamung ayonger India ya Pool B nung lir. Pool B nung India den tang world champion Australia aser Olympic nung tang bronze medal bena aliba Germany telok lir.

India den World league champion Australia aser Germany den külemi Pool B nung Euro Hockey Nations Championship nung bronze medal bena aliba telok aser jenjang tenet buba nung aliba England densema lir.

International Hockey Federation (FIH) ajanga tanü sangdongba nung India ya December 1 nü Kookaburras den mezüng asayatsü aser December 2 nü England aser December 4 nü Germany den asayatsü.

Pool A nung Olympic champion Argentina, European champion Netherlands, Olympic silver medal angur Belgium aser Spain lir.

Germany aser England ya India aser Australia na mesayadang Kalinga Stadium nung asayatsü.

December 2 nung asayar telok tajung kar asayatsü lir. 2016 küm Rio Olympic gold medal match Argentina aser Belgium na tsüngda asayaba bilemteta iba anogo linük ana ya asayatsü lir.

Pool stages ya December 1 nungi 5 tashi asayatsü aser iba sülen December 6 aser 7 nung quarter-final asayatsü.

Iba sülen December 9 aser 10 nung semi-final asayatsü aser December 10 nung bronze medal match aser Final asayatsü.

Pool A: Argentina, Belgium, Netherlands, Spain