Hokiyong Ward lanurtemi Mangkolemba Cemetery merüktet

Dimapur, July 17 (TYO) : July 16, 2016 nü Mangkolemba nung Hokiyong Ward Youth Organization-i town cemetery aser Hokiyong Ward nung merükmejua mapa inyak.
Iba sentong nung züngsem 60 aser ano Mangkolemba Adhoc Town Committee (MATC) nungi nübo adenshia leper aser gari lenmang merükteta amung.
Ano, lanur 55 kati Hokiyong ward nung kilentzü aodak tangbanga aliba lapok aser janatem bendena endok, ta HWYO Tir, Tekameren aser Tongti tezülur, Bendangrenla nati sangdong ka nung ashi.
Iba mapa nung yariteptsü atema Dy. Superintendent of Police, 2nd NAP C ‘Coy, Mangkolemba-i gari tenla agütsüba, MATC-i nübo den sen teyari agütsüba aser Mangkolemba Baptist Arogo-i sarasadem aser teyari agütsüba atema kanga pelar, ta HWYO mendenpurtemisa ashi.
Hokiyong lanutemisa Hokiyong ward Gaonbura, Shijungsangba dang kanga pelar, ta parnokisa shisem.