Holi ajanga tesünep aser taremzüktep sayur: Tir Pranab

New Delhi, March 24 (Agencies): Brihostibarnü linük nung Holi benjung amungdang Tir, Pranab Mukherjee-i, sentsü benjung ajanga sensotem rongnung tesentaktep tashi itshitsü imlar, ta ashi.

Tanü Pranab-i twitter ajanga, “Holi benjungmung nung ni linük sensotem ajak den salem osang lemsateper. Holi benjung ajanga sensotem tsüngda telongjem tali kadakjang,” ta ashi.

“Iba sentsü benjung ya lokti temeyoktep aika tesünep nung aliba tanela sayur südakjang,” ta Tir-isa ashi.

Pai ashiba agi, Holi benjung ajanga tesünep aser taremzüktep tanela sayur.

“Holi benjungmung ajanga asenok lokti temeyoktep balala aika tesünep nung alibaji sentsü balala ajanga sayur aser taremzüktep den tesünep sayur,” ta Tir-i pa indang twitter handle ajanga lemsatep.