Holi benjung mapang motorbike aika tsüktep; nisung 8 asü

Patna, March 24 (Agencies): Holi benjung mapang Bihar tesem balala nung motorbike lendong balala nung nisung 8 süogo.

Samastipur district nung motorbike lendong asem nung nisung asem asü aser nisung ana yiru, ta police-i ashi.

Asürtem aser yirua alirtemji yi agi meseper liasü, ta Dalsinghsarai police station in-charge, Subodh Chaudhary-i ashi.

Ano Madhubani district nunga motorbike ana tsüktepba lendong nung bike anir ka asü aser ka yiru, ta Benipatti Sub-division Deputy Superintendent of Police (DSP), Nirmala Kumari-i ashi.

Maneni Rohtas district nunga motorbike ana tsüktepba lendong nung nisung ka asü aser ka yiru, ta Sasaram Sub-Divisional Police Officer (SDPO) Amarendra Kumar-i ashi.

Vaishali district nunga motorbike ka tsükokba lendong nung nisung ana tsükset, ta Bhagwanpur nung police ketdangseri ashi.

Madhepura nunga bike lendong nung nisung ka asü aser Gaya district nung bike tsüktepba lendong nung nisung pongu yirua liasü, ta police ketdangsertemisa ashi.