Hollywood actor & SAG activist George Coe süogo

July 20, 2015: Actor tejen George Coe arishi küm 86 nung süogo.

Pa ya talangka shiranga lir külen, Santa Monica, California nung Honibar, July 18 nü asü.

George ya ‘show business’ nung küm 50 dak tema inyaka liasü aser iba mapang pai theatre nung mezüng shilem agia liasü. Pai ‘The Great White Way’ nung teti shilem agi aser Stephen Sondheim compangy meyong ‘Mame’ nunga Dame Angela Lansbury den külemi tongti shilem agi.

Pa Big Apple nunga züngsem ka ama inyaka liasü, iba den külemi Saturday Night Live nunga inyak.

Television nung The West Wing, Grey’s Anatomy, Columbo, Curb Your Enthusiasm, Gilmore Girls, The Golden Girls, aser Murder, She Wrote otsütem nunga shilem agia liasü .

George-i Oscar award anguba film Kramer vs. Kramer nung advertise agent ka ama shilem agiba ajanga pa kanga nüngtugu aküm.

1968 küm pai co-direct asüba film ‘The Dove’ nung pai shilem agiba atema pa tenünga Academy Award asoshi benoka liasü.

Ano pai shilem agiba film temji The Stepford Wives, The End of Innocence, The Mighty Ducks, Funny People film tem lir aser Transformers: Dark of the Moon nung Autobot Wheeljack ola ama shilem agi.

Pa ya SAG national board of directors nunga tatong tir ama inyaka liasü.

SAG nung inyakba atema 2009 küm pai Ralph Morgan Award ngua liasü.