Hollywood actor tejen Al Checco süogo

 

July 24, 2015: Hollywood actor tejen, Al Checco arishi küm 93 nung süogo.

Checco ya arishi küm 94 ajungtsü anogo ana dang lia Studio City, California nung par kidang July 19 nü asü.

Pai film nung küm 50 shi shilem agia aruba mapang nung film aser TV sentong aika nung shilem agia liasü.

Pai TV sentong nung shilem agiba temji Batman, Mister Ed, The Munsters, Bonanza, The Six Million Dollar Man, The Rockford Files, TV film Helter Skelter, Knight Rider, Becker, aser Scrubs otsütem lir.

Ano pai shilem agiba film temji Hotel, Bullitt, The Terminal Man, Angel in My Pocket Pete’s Dragon, aser Zero to Sixty film tem lir.

Checco ya kanga dang nüngtugu actor Don Knotts den tembar tajung liasü. Don tena World War II mapang US army nung inyaka ajuru. Iba mapang tenati senteper Pacific tzüyim nung par sepai telok peladakja asayamenüa liasü.

Tena rara temer US-i meyipa arur külen Don-i tongti shilem agiba ‘The Andy Griffith’ otsü nung Checco-a shilem agia liasü. Ibaji dang masü saka The Incredible Mr. Limpet, The Ghost and Mr. Chicken, The Reluctant Astronaut aser How to Frame a Figg film tem nunga tenati külemi shilem agi.