Holy Cross Higher Secondary nung fete amung

Dimapur, March 6 (TYO) : Holy Cross Higher Secondary School, Dimapur Hon jubileemung nüngtem nung anogo ananü fete ayongzüka amungba Honibarnü tembangogo.
Iba sentong ya school campus nung agir aser Hokolbarnü Col Mahesh Gurung-i lapokja liasü.
Linük ka tarutsü yangludakji school lir aser school nung tongtipang shilemji tesayurtem lir, kechiyong tesayurtemi linük tarutsü yanglur, ta Col Mahesh-i tongti tesemdanger o jembidang ashi.
Col Mahesh ya Holy Cross school nung azünger ka lir aser pai tesayurtem dang küm aika kaketshirtem yariba aser anitetba atema tenüngsang agütsü.
Paisa kaketshirtem ayongzüka jembidang, “nenok tarutsü lennirtem lir aser alizüng tajung yur ibaji atongtsü merangtsüla” ta ashi.