Holy Cross nung School Anti tobacco day amung

Dimapur, October 5 (TYO) : Nagaland nung school tulutiba rongnung ka- Holy Cross Higher Sec School Dimapur nung October 5, 2016 nü School anti-tobacco day ayongzüka amung.
Iba anogomung tenüng nung kaketshirtem shilem balala lemsar ‘drawing competition’ agia liasü aser kaketshir 300 shi ka aden.
Sentong nung Father Philip Principal aser District Nodal Officer NTCP, Dr C Tetseo nati o tatsütsü jembi.
Holy Cross School nung kaketshir 300-i moko dang ma ta shitetra, ibaji ajanga asen loktiliba nung temelenshi tulu ka adoktsü. Anungji kaketshirtemi ‘smoke free Dimapur’ indnag campaign nung shilem agitsü ayongzüker, ta Dr C Tetseo-i ashi.