Holy Cross School Alumni, Dimapur senden ayonger

Dimapur, July 30 (TYO): Holy Cross School, Dimapur indang Golden Jubilee benjungmung dak sentakba programme balala atema nüngdak jembitsü asoshi Holy Cross School Alumni, Dimapur-i August 1, 2015 anüngdang (Honibar) 11:00 ako nung school nung senden ka amentsü ayonger, ta Holy Cross Hr. Sec. School Golden Jubilee Committee, Member Secretary, Dilip Sharma-i sangdong ka ajanga metetdaktsü.
Anungji school alumni ajak iba senden nung adentsü aser tebilemba onük balala bener arua Programme Committee nem metetdaktsütsü mepishir, ta kasa sangdong ajanga metetdaktsü.