Home Commissioner-i village council tem dang tuyur

Dimapur, Tsüklai 8 (TYO): Taruba Assembly Election agitsü aliba atema Nagaland nung village council ajaki Area and Village Council Act, 1978 nung lateta aliba ama mapa inyaktsü tetuyuba agütsür ta Home Commissioner, Abhishek Singh, IAS-i metetdaktsü.
Village Council Act nung Arrla 15(1) nung village council tem nem pei pei yimtsüng nung law & order ketdangsüa reprangtsü mapa lemzükja lir. Anungji village council ajaki election atema mapa lemzüktsürtem aser District Administration den yaritepa tensa azüoktsüla, ta Abhishek Singh-isa ashi.
Election agiba mapang state nung law & order maparen ajak Election Commission of India ketdangsüba aser tetuyuba kübok inyaker. Anungji village council ajaki Election Commission of India aser Model Code of conduct telatetbatem sülen anidaktsü metetdaktsür, ta Home Commissioner-isa ashi.