Dimapur, Rongjui/September 10 (TYO): Nagaland Government, Home Department-i state-i ozüng alema bendanger senoka aitba nokdangtsü asoshi tetuyuba kar agütsüogo.
Ozüng alema bendanger senoka aitba nokdangtsü atema entry points/check gate koba police temi nüka lir, item tesemtem tali tashi itshitsüla aser pei tawabangba kübok aliba tesemtem nung temulung melemi bilemba tesemtem meita aotsüla.
State-i aruba non-local tem shinga District Administration-i agütsüba kuli kaket tejangja mebeni maitdaktsütsü aser kuli kaket tejangja mebeni aitba nüburtem indang osang District Administration tem nem metetdaktsüla.
Village/Town/Municipal Authorities ajaki tang aliba temzüng ozüng alema state adena orr tang tesem nungi aruba nisungtem kanga junga meita alitsüla.
Nisung tasen arurtem tera junga reprangshitsüla aser District Administration aser Police-i jangjashitsü nüngdaker.
District Administration aser Police-i state ajunga nung aser talisa arrtsü nung ILP kanga tashi ita benoka asadangdar.
You must be logged in to post a comment Login