Home Ministry-i Manipur dang 2009 küm taila kahtepba osang meshir

New Delhi, January 27 (Agencies): Manipur nung police kati, taila kahtepdang pai taoba mapang People’s Liberation Army (PLA) telungpur, Sanjit Meitei tepset ta jembiba sülen Home Ministry-i Manipur dang 2009 küm taila kahtepba ken o nung tatalokba tejangja osang meshiogo.
Central Bureau of Investigation (CBI)-ia iba osangji angazükogo, aser nüngdakba mera agitsü.
Interview agiba mapang constable Herojit Singh-i CNN-IBN dang, 2009 küm pai taoba mapang PLA kiralongrar Sanjit Meitei prangpong mebeni lia tepset ta ashi.
Iba osangji kanga taoksatsüka lir, ta CBI-i shiogo. CBI-isa, constable, Singh-i ashiba oji ochi asünungbo iba ken o tanaben akatsü, ta shiogo. Bushisüngdangba telok balalai Singh-i jembiba oji tiyazü aser ochi’ar bushisüngdangtsü, iba sülen nüngdakba meratem agitsü.
Ano külen NHRC-ia iba ken o nung osang meshiogo.
Singh-isa ashiba agi, Imphal nung Additional Superintendent of Police (ASP) tetuyuba nung pai taoba mapang PLA telungpur Meitei dak injang aika kahloktsü, ta ashi.
Singh-isa, pai Meitei dak teku nung 9mm pistol agi kahloktsü, ta metetdaktsü.
Singh-i, Manipur DGP aser Chief Minister nati-a ibaji meteta liasü, ta ashiba den külemi, tangbo pai pa taküm atema tsübur, ta shisem.