February 21, 2016 nü Al-Zahraa tesem, Homs yimti, Syria nung gari nung tapoktsü ana apokba ajanga teraksa aluba Syria nunger aser security temi reprangtepba noksa ka yangi angur.
Damascus, February 21 (Agencies): Syria anüolen tsütsü aliba Homs yimti nung Deobarnü tapoktsü tesashi ana apokdang tajemba agi nisung 46 süogo, ta lendong asadanger telok osang ka ajanga metetdaktsü.
Iba tapoktsü apokba lendong ajanga Alwaite kin aliba al-Zahra district kanga mejungi raksatsü, ta Syrian Observatory for Human Rights-i ashiba Xinhua osang ajanga metetdaktsü.
Syria sorkar indang TV osang nung iba lendong atalokba tesem kanga mejungi raksar aliba sayuogo.
Sorkari ashi anga aliba Homs yimti aser anasa aliba district tem nung taküm tenla agüja temang nung tapoktsü alenloker apokertemi mapang aben lendong agütsüba ajanga kanga okrongteper. Iba den külemi sorkar anemertemi Syria nung yimti tulutem rongnung tasembuba Homs anasa ano rocket aser mortar kahlokja kanga timtem tulu agütsür.
Taoba ita-a al-Zahra tesem nungsa ibala mesükba lendong nung nisung 30 dak tema taküm samaogo.
You must be logged in to post a comment Login