Honda CB Hornet 160R aser CBR250R jenjang sen 559 agi timba akümer

Aami 02, 2018 (Agencies): Honda Motorcycle & Scooter India (HMSI)-i 2018 CB Hornet 160R aser CBR250R jenjang India nung tutsüogo. Company-i model anaprong ya features tasen agi update sütsüogo aser item variant ajunga nung sen 559 agi timba kümtsür.
Ajiasünung tang Honda CB Hornet 160R entry-level trim jenjang ji sen 85,234 aser ABS version jenjang ji sen 92,675 agi angutsü. Kasa mapang nung 2018 Honda CBR250R non-ABS variant jenjang ji lakh 1.64 aser ABS version jenjang ji lakh 1.93 agi angutsü aser item variant jenjang ajak (ex-showroom Delhi) asütsü. 2018 Auto Expo sentong nung motorcycle anaprong ya sayua aser iba sülen ang India shishilembadak sayaa liasü.
Honda CB Hornet 160R
Taoba ama 2018 Honda CB Hornet 160R model design kasa lir saka full LED headlamp, body graphics tasenba aser fuel tank nung ‘Hornet’ badging tuluba inoka yanglutsü. Model tejenba instrument console amber illumination liasü saka tasenba nung blue illumination keta aliba angutsü. Iba motorcycle nung single-channel ABS (Anti-Lock Braking) system inoka yanglutsüogo aser aji update rongnung tulutiba asütsü.
2018 Honda CB Hornet 160R engine ya taoba model ama 162.7 cc single-cylinder engine keta lir. Iba engine ajanga 14.9 bhp tashi aser 6500 rpm nung 14.5 Nm torque agutsür. Taoba model ama tejeklen suspension atema telescopic forks aser tesülen monoshock inoka yanglutsü. Base trims motorcycle variant nung rear drum brake aser temaba variant atema rear disc brake keta aliba angutsü.
Honda CBR250R
Quarter-litre motorcycle rongnung ajaki sapuba Honda CBR250R motorcycle ya BS-IV compliant metongtetba ajanga taoba küm India shishilembadak meyokdaktsüi liasü saka 2018 atema nüngdakba features ajak inoka aser talisa BS-IV compliant nung yamglutsü.
Tang CBR250R tasenba nung graphics tasen, full LED headlamp cluster, racing muffler tasen keta aliba angutsü. Iba den külemi motorcycle ya sentsü tasen pezü nung angutsü. Taoba model ama CBR250R motorcycle tasenba nung 249 cc single-cylinder, liquid-cooled engine inoka yanglutsü. Iba engine ajanga 26 bhp tashi aser 22.9 Nm torque agütsür. Iba motorcycle nung 6-speed gearbox keta lir aser motorcycle top speed 135 kmph tashi anitettsü.