Honda City Fourth-gen gari India nung lakh 2.5 yokogo

July 1, 2017 (Agencies): Honda Cars tem rongnung India nung Honda City mid-size sedan ya timtiba ayokba gari lir.
Osang ajanga ashiba agi, Honda City India nung sayaba nungi tang tashi nung parnoki talir lakh 6.8 puaogo. Parnok indang gari ayokba rongnung Honda City timtiba yoka lir. 2014 january ita nungi 2017 June ita tashi nung iba gari lakh 2.5 yokogo.
Honda City ya alinük 60 tashi nung ayoker. Tang tashi nung gari billion 3.5 yoka lir aser item rongnung fourth generation model million 1 yokogo. Honda sedan tem tang tashi nung linük 5 tashi nung yangludar- India, China, Thailand, Brazil aser Japan. Honda City, India nung 1998 küm amenoka liasü aser tang tashi nung lakh 6.8 yokogo koba alima ajunga nung iba gari ayokba shilem 20 lir. Gari lakh 6.8 ayokba nungi lakh 2.5 bo 4th gen City garitem lir, tetezü gari ayokba ajak senteper 335 bo fourth gen City lir aser iba ya alima ajunga nunga shilem 25 lir.
1st gen City gari 59,378 dang yoka liasü saka second gen City gari bo mezüng dang nungi anasü agi talila gari 1,77,742 ayok iba sülen third generation model 1,92,939 aser fourth gen model ita 30 tsüngda nung gari 2,50,274 yokogo.
India nung ayokbatem rongnung shilem 60 petrol model aser shilem 70 manual Citys tem lir. Fourth-gen Honda City February ita yanglushia liasü aser tang iba gari ya 1.5-litre i-VTEC petrol 5-MT (17.4 km/l), 1.5-litre i-VTEC petrol CVT (18 km/l) aser 1.5-litre i-DTEC 6-MT (25.6 km/l) configurations nung angur.
2017 Honda City petrol model jenjang 8,72,797 nungi tenzüka angutsü aser diesel model sen 10,90,513 nungi tenzüka angutsü.