Honda-i ‘Celebration Edition’ Amaze aser Mobilio na sayaogo

New Delhi, September 04 (Agencies): Aruya aliba benjungbentsütem jangratema mongdaktsütsü meji Honda Cars India-i Hokolbar nü ‘Celebration Edition’ Amaze aser Mobilio gari sayaogo.

“Celebration Edition indang Amaze aser Mobilio gari tasentem linük nung benjungbentsü aruyaa aliba mapang ka nüburtem asoshi sayatetba atema onok kanga pelar,” ta Honda Cars India, marketing & sales nung Tatong Tir Jnaneswar Sen-i sangdong ka ajanga metetdaktsü.

“Onoki nüburtem nem oset tajungtiba sayatsüba ajanga parnok den tesendaktep tajungba akümtsü nükjidong nung meranga inyaker,” ta paisa ashi.