Honda WR-V Brazil-i belener oa ayoktsü

March 22, 2017 (Agencies): Japan nunger gari yanglur, Honda company-i tang tashi nung parnoki yangluba gari karbo tanga linüki yoka arudar, aser tawa parnok indang gari tasentiba WR-V Brazil nung sayatsü, ta ketdangsertemi tanü metetdaktsü.
Company-i taoba ita Honda ‘City’ yanglushir adokba sayaogo aser taküm küm tatemlen “Civic” India-i bener arutsü, ta Honda Cars India, Senior VP, Jnaneswar Sen-i ashi.
“Onoki kidanger linüktem dangi tang yanglua aliba gari karbo yokdar, aser WR-V model tawa Brazil-i tayoktsü asoshi belentsü akok,” ta paisa ashi.
Honda indang tanga model-tem India nung sayaba mapang Sen-i ashiba agi, company-i ‘premium sedan ‘Civic’ koba taoba mapang nung khen asoshi yanglutsü nungi nokdanga ali, iba gari maneni yanglu tenzüktsü.
Taoba ita sayaba Honda ‘City’ indang jembidang Sen-i ashiba agi, iba gari 15,000-bo mekazükogo, aser item rongnung shilem 40-bo ‘ZX’ variant lir. Maneni ‘WR-V’ gari 3,000 mekaadoker aliba pai shisem. Tang tashi nung dealership 336 alibaji 370-i ajungkettsü, ta paisa ashi.
“WR-V” ‘petrol variant’ jenjang lakh 7.90 asütsü aser diesel variant lakh 10.15 asütsü.