Honda WR-V sayaogo, sen lakh 7.75 agi angutsü

March 16, 2017 : Honda Cars India ajanga SUV tilaba ‘Winsome Runabout Vehicle’ (WR-V) gari India nung sayaogo.
Iba gari tasazük metong nung mm 3,999, lenden nung mm 1,734 aser mm 1,601 tashi ajungketa lir.
WR-V ya Honda City aser Honda Jazz den tera mesüktepa lir aser iba gari nung 1.2-litre i-VTEC petrol engine lir. WR-V ajanga horsepower 90 aser 110 Nm torque agütsür. Iba gari nung gear pungu lir.
Iba gari ya 1.5-litre i-DTEC diesel engine lir aser iba gari ajanga horsepower 99 aser 200 Nm torque agütsür aser iba gari nung gear 6 lir.
WR-V 1.2-litre i-VTEC petrol engine nung totzü litre ka agi kilometre 17.5 tashi jajatsü akoker aser 1.5-litre diesel engine indang gari nung totzü litre ka agi kilometre 25.5 tashi jajatsü akoker.
Honda WR-V gari nung ya ABS aser dual airbag lir. Iba gari nung ‘one-touch electric sunroof’, ‘cruise control’, ’tilt steering’ (standard) aser inch 7 aketba touchscreen infotainment system, Bluetooth, USB aser Mirrorlink lir.
Iba gari telung nung aliba oset aika Honda Jazz aser Honda City den mesüktepa lir.
Honda R&D India ajanga Honda WR-V ya mezüngbuba gari yangluba lir.
Honda WR-V ya sen lakh 7.75 (ex-showroom, Delhi) nungi tenzüka angutsü aser sentsü tapu trok nung angur. Iba gari indang warranty ya küm asem lir.
Honda WR-V (Ex-showroom, Delhi) jenjang telemsa yamai alitsü:
S petrol – Sen lakh 7.75
VX petrol – Sen lakh 8.99
S diesel – Sen lakh 8.79
VX diesel – Sen lakh 9.99