Honda X-Blade Motorcycle mekaa ayu tenzükogo

Tsüklai 15, 2018 (Agencies): Honda 2Wheelers India puri 160cc sporty motorcycle. X-Blade tasenba mekaa ayutsü tenzükba sangdongogo. X-Blade nung ya futuristic LED headlight aser sporty dual outlet port silencer keta lir. Maneni designe tsütsü iba bike tasenba nung ya gear shifter, split grab rails, front disc brake dena alloy wheels, hugger fender aser muscular graphics nunger amala keter aliba angutsü.
Iba bike nung tashiji 162.71 cc HET engine ka ajanga agütsütsü. X-Blade digital instrumentation nung Service Due Indicator aser gear position indicator keter arutsü. 1347mm talang wheelbase aser 130 section tubeless rear tyre keta aliba ajangaiba bike lenmang tamajung nunga kanga junga aniteter aser mapang talangka anishiba mapa nung tanirnem anisüngzük agütsür.
Iba bike ya sentsü 5 nung angutsü: Matte Marvel Blue Metallic / Matte Frozen Silver Metallic / Pearl Spartan Red / Pearl Igneous Black aser Matte Marshal Green Metallic.
X-Blade mekaa ayutsü tenzükba sangdongdang Honda Motorcycle and Scooter India Pvt. Ltd., Sales and Marketing, Senior Vice President Mr. Yadvinder Singh Guleria-i ashiba agi, “Honda puri 2018 küm model tasen pezübuba, X-Blade Auto Expo 2018 nung sayaogo. Generation Z bike nüburtemi kanga sapua amshiba ngua onok kanga pelar. Onoki Honda X-Blade tanü nungi tenzüka mekaa ayutsüba kanga pelashishia sangdonger. X-Blade ya India nung sen 79,000 agi tenzüka angutsü aser iba ajanga India nung lanurtem süngmangdaktsütsü. X-Blade ya Metsüremi tomta ka nungi first-come-first-serve basis nung agütsü tenzüktsü.”