Hong Kong: Joshna o Dipika na quarterfinal tongogo

Hong Kong, May 25 (Agencies): India’er tetsür squash asayar, Joshna Chinappa aser Dipika Pallikal nati pei tetenzükba round asaya koka, tang tasayadak PSA HKFC International squash asayamong quarterfinal asayatsü jenjang tanü, Bodbar nü ajangzükogo.

World No. 13, Joshna-i tanü minute 37 nung points 11-8, 11-7, 6-11, 11-8 ngu Egypt tsür, Salma Hany tsükdaktsü aser World No. 19, Dipika-ia minute 23 nung points 11-1, 11-3, 11-3 ngua Malaysia tsür, Low Wee Wern madak takok angu.

Tan asayamong nung 3 buba jenjang abener, Joshna-i Australia tsür, Rachael Grinham den quarterfinal asayatsü aser 6 buba jenjang nung alila, Dipika-i Joelle King aser Joey Chan na rong nung takok angur den quarterfinal asayatsü.