Hong Kong: Joshna semifinal tongogo

Hong Kong, May 26 (Agencies): India tsür, Joshna Chinappa-i quarterfinal asaya nung takok ngua, tang tasayadak PSA HKFC International squash asayamong semifinal nung shilem agitsü jenjang tanü, Brehostibar nü nguogo.

Joshna-i tanü points 15-13, 11-6, 6-11, 9-11, 11-4 ngua, Australia tsür, Rachael Grinham madak takok angu.

Tan asayamong nung 3 buba jenjang nung alila, Joshna-i tan asayamong nung 2 buba jenjang abener, Hong Kong tsür, Annie Au den semifinal asayatsü lemzükogo.

Ajisüaka, külem sensotsür, Dipika Pallikal-i tanü tamakok ajurua tan asayamong nung joko shilem magitettsüa jenjang tamajung ajuruogo.

New Zealand tsür, Joelle King-i tanü points 11-8, 11-6, 11-8 ngua Dipika quarterfinal asaya nung tsükdaktsü.