Hong Kong Open final nung Sindhu aser Sameer nati makok

Abelen noksa nung Hong Kong Open Super Series tebur kija final asaya nung takok angusang China nunger Ng Ka Long Angus (achiji) aser tanabuba jenjang nung takok angur India nunger Sameer Verma na angur. Achiji noksa nung tetsür kija final asaya nung takok angula Chinese Taipei tsür Tai Tzu Ying (achiji) aser silver angula India tsür P V Sindhu na angur.  

Kowloon, Hong Kong, November 27 (Agencies) : Hong Kong Open Super Series badminton asayamung nung India nunger asayartemi takok marok ana tashi angutsü teimla aliba ka tanga mongutet.
Tanü Olympic nung silver medal angula P V Sindhu aser national champion Sameer Verma nati Hong Kong nung tetsür aser tebur final asaya nung tamakok ngua tanabuba jenjangtem ang ngutet.
Tetsür kija final asaya nung tanabuba Super Series title angutsü nükjidong tulu yur asayala, Sindhu-i 15-21 17-21 agi Chinese Taipei tsür Tai Tzu Ying madak tamakok angu. Iba asaya minute 41 nung asayazük.
Ano tebur kija final asaya India nunger Sameer Verma aser China nunger Ng Ka Long Angus na minute 50 asayaba nung Sameer-i 14-21 21-10 11-21 agi tamakok angu.
Tzu Ying atema iba takok ya mang ayanger mesüka liasü kechiba süra lai Rio Olympic Games nung Sindhu madak tamakok ngua liasü.
Tena tsüngda punguben asayaba nung Tzu Ying-i 5-3 ben kokogo.
Sameer-i Super Series final asaya tan mezüng tongteta asayaogo.
Tebur tarep final asaya nung Japan nungi Keigo Sonoda aser Takeshi Kamura nati 21-19,21-19 agi Denmark nunger Mathias Boe aser Carsten na madak takok angu.
Tetsür aser tebur temeyoktep final asayaba nung Indonesia nungi Tontowi Ahmad aser Liliyana Natsir nati 21-19, 21-17 agi Praveen Jordan aser Debby Susanto na akok aser tetsür tarep final asaya nung Denmark tsürtem Cristinna Pedersen aser Kamilla Ry Juhl nati 21-19, 21-10 agi China tsürtem Huang Dongping aser Li Yinhui na madak takok angu.