Hong Kong Open: Saina 2 buba round tongogo

Hong Kong, November 23 (Agencies): India’er tetsür badminton asayar, Saina Nehwal-i lar tetenzükba asaya koka, tang tasayadak Hong Kong Open Super Series badminton asayamong tetsür singles 2 buba round asayatsü jenjang tanü, Bodbar nü nguogo.
London Olympics bronze medallist, Saina-i tanü points 12-21 21-19 21-17 ngua, Thailand tsür, Porntip Buranaprasertsuk tsükdaktsü.
Rio Olympics nung tamakok ngua shilem agiba sülen taneptsü bushia ita 3 tashi anisüngzükba sülenbo Saina-i tan mezüngsüa asaya koka shilem agir lir.
Tan asayamong nung 5 buba jenjang abenla, Saina-i China tsür, Chiang Mei Hui aser Japan tsür, Sayaka Sato na rong nung takok angur den 2 buba round asayatsü.
Tebur singles shilem nunga külem sensopur, H S Prannoy-i points 21-16 21-18 agi China nunger Qiao Bin akokba aser National champion, Sameer Verma-ia points 22-20 21-18 agi Japan nunger Takuma Ueda tsükdaktsüba osang jangjaogo.
Ajisüaka, India’er tebur doubles asayar, Manu Attri aser B Sumeeth Reedy nati tanü points 15-21 8-21 ngua, Korea nunger Solgyu Choi aser KO Sung Hyun na nem par tetenzükba asaya kokdakja liasü.