Hong Kong Open: Saina quarterfinal tongogo

Hong Kong, November 24 (Agencies): India’er tetsür badminton asayar mongin, Saina Nehwal-i lar asaya koka, tang tasayadak Hong Kong Open badminton asayamong tetsür singles quarterfinal asayatsü jenjang tanü, Brehostibar nü ajangzükogo.
Hyderabad tsürla, Saina-i tanü minute 51 nung points 18-21, 21-9, 21-16 ngua, World No. 11, Japan tsür, Sayaka Sato 2 buba round nung tsükdaktsü.
Külem sensotsür, PV Sindhu-ia minute 36 nung points 21-10, 21-14 ngua, Taiwan tsür, Hsu Ya Ching tsükdakja, quarterfinal-i aiba osang jangjaogo.
Tebur singles shilem nung Ajay Jayaram-i points 21-18, 21-19 agi China nunger Huang Yuxiang akokba aser Sameer Verma-ia minute 53 nung points 19-21, 21-15, 21-11 ngua, Japan nunger Kazumasa Sakai tsükdakja, tenaprongla quarterfinal-i iogo.
Ajisüaka, H.S. Prannoy-i points 21-15, 11-21, 15-21 ngua, Malaysia nunger Chong Wei Feng nem par 2 buba round asaya kokdakja, tan asayamong nung joko toktepa shilem magitettsüsa jenjang tamajung ajurua liasü.