Hong Kong Open: Sindhu o Verma na final tongogo

Hong Kong, November 26 (Agencies): India’er tetsür badminton asayar, PV Sindhu aser külem sensopur, Sameer Verma nati par semifinal asaya koka, tang tasayadak Hong Kong Open Super Series badminton asayamong tetsür aser tebur singles final asayatsü jenjang tanü, Honibar nü ajangzükogo.
Tawa adoktsüba alimar tetsür singles badminton asayar tarensen nung temaleni jenjang 1 tua, 8 buba jenjang ajangzükla, Sindhu-i tanü points 21-14, 21-16 agi Hong Kong tsür, Cheung Ngan Yi par semifinal asaya nung tsükdaktsü.
Hyderabad tsürla, Sindhu-i Chinese Taipei tsür, Tai Tazu-Ying den par final tan Deobar nü asayatsü.
Verma-ia points 21-19, 24-22 agi World No. 3, Denmark nunger Jan O Jorgensen madak semifinal asaya koka, tebur singles final asayatsü jenjang ajangzük.
Verma-i tan mezüngsüa Super Series asayamong final asayatsü jenjang ajangzüker lir aser pai final asaya nung Hong Kong nunger Angus Ng Ka-Long den ajuruteptsü.